ﮐِﺘﻨﮯ ﺁﺋﯿﻨﻮﮞ ﻣﯿﮟ ﺍِﮎ ﻋﮑﺲ ﺩﮐﮭﺎﯾﺎ ﮨﮯ ﻣُﺠﮭﮯ

.

*

ﮐِﺘﻨﮯ ﺁﺋﯿﻨﻮﮞ ﻣﯿﮟ ﺍِﮎ ﻋﮑﺲ ﺩﮐﮭﺎﯾﺎ ﮨﮯ ﻣُﺠﮭﮯ
ﺯﻧﺪﮔﯽ ﻧﮯ ﺟﻮ ﺍﮐﯿﻼ ﮐﺒﮭﯽ ﭘﺎﯾﺎ ﮨﮯ ﻣﺠﮭﮯ

ﺗﻮ ﻭﮦ ﻣﻮﺗﯽ ﮐﮧ ﺳﻤﻨﺪﺭ ﻣﯿﮟ ﺑﮭﯽ ﺷﻌﻠﮧ ﺯﻥ ﺗﮭﺎ
ﻣَﯿﮟ ﻭﮦ ﺁﻧﺴﻮ ﮐﮧ ﺳﺮِ ﺧﺎﮎ ﮔﺮﺍﯾﺎ ﮨﮯ ﻣﺠﮭﮯ

ﺍِﺗﻨﯽ ﺧﺎﻣﻮﺵ ﮨﮯ ﺷﺐ، ﻟﻮﮒ ﮈﺭﮮ ﺟﺎﺗﮯ ﮨﯿﮟ
ﺍﻭﺭ ﻣَﯿﮟ ﺳﻮﭼﺘﺎ ﮨﻮﮞ ﮐِﺲ ﻧﮯ ﺑﻼﯾﺎ ﮨﮯ ﻣﺠﮭﮯ

ﯾﮧ ﺍﻟﮓ ﺑﺎﺕ ﮐﮧ ﻣﭩّﯽ ﻣﯿﮟ ﭘﮍﺍ ﺭُﻟﺘﺎ ﮨﻮﮞ
ﯾﻮُﮞ ﺗﻮ ﻓﻦ ﮐﺎﺭ ﻧﮯ ﺷﮧ ﮐﺎﺭ ﺑﻨﺎﯾﺎ ﮨﮯ ﻣﺠﮭﮯ

ﺍﭘﻨﺎ ﺍﺩﺭﺍﮎ ﮨﮯ ﺩﺭﺍﺻﻞ ﺧُﺪﺍ ﮐﺎ ﺍﺩﺭﺍﮎ
ﺷﺎﯾﺪ ﺍﺱ ﺧﻮﻑ ﻧﮯ ﺧُﻮﺩ ﻣُﺠﮫ ﺳﮯ ﭼﮭُﭙﺎﯾﺎ ﮨﮯ ﻣﺠﮭﮯ

ﺍﮮ ﺧﺪﺍ، ﺍﺏ ﺗﯿﺮﮮ ﻓﺮﺩﻭﺱ ﭘﮧ ﻣﯿﺮﺍ ﺣﻖ ﮨﮯ
ﺗﻮ ﻧﮯ ﺍِﺱ ﺩَﻭﺭ ﮐﮯ ﺩﻭﺯﺥ ﻣﯿﮟ ﺟﻼﯾﺎ ﮨﮯ ﻣﺠﮭﮯ

.
************
.