Ek Wada Hai Kisi Ka Jo Wafa Hota Nahin

ایک وعدہ ہے کسی کا جو وفا ہوتا نہیں

ورنہ ان تاروں بھری راتوں میں کیا ہوتا نہیں

جی میں آتا ہے الٹ دیں انکے چہرے سے نقاب

حوصلہ کرتے ہیں لیکن حوصلہ ہوتا نہیں

شمع جس کی آبرو پر جان دے دے جھوم کر

وہ پتنگا جل تو جاتا ہے فنا ہوتا نہیں

اب تو مدت سے رہ و رسمِ نظارہ بند ہے

اب تو ان کا طُور پر بھی سامنا ہوتا نہیں

ہر شناور کو نہیں ملتا تلاطم سے خراج

ہر سفینے کا محافظ نا خدا ہوتا نہیں

ہر بھکاری پا نہیں سکتا مقامِ خواجگی

ہر کس و ناکس کو تیرا غم عطا ہوتا نہیں

ہائے یہ بیگانگی اپنی نہیں مجھ کو خبر

ہائے یہ عالم کہ تُو دل سے جُدا ہوتا نہیں

بارہا دیکھا ہے ساغرؔ رہگذارِ عشق میں

کارواں کے ساتھ اکثر رہنما ہوتا نہیں

 

    ساغر صدیقی

............

Ek Wada Hai Kisi Ka Jo Wafa Hota Nahin

Saghar Siddiqui

 

ek vaada hai kisī kā jo vafā hotā nahīñ

varna in tāroñ bharī rātoñ meñ kyā hotā nahīñ 

 

jī meñ aatā hai ulaT deñ un ke chehre se naqāb

hausla karte haiñ lekin hausla hotā nahīñ 

 

sham.a jis kī aabrū par jaan de de jhuum kar

vo patiñgā jal to jaatā hai fanā hotā nahīñ 

 

ab to muddat se rah-o-rasm-e-nazāra band hai

ab to un kā tuur par bhī sāmnā hotā nahīñ 

 

har shanāvar ko nahīñ miltā talātum se ḳhirāj

har safīne kā muhāfiz nāḳhudā hotā nahīñ 

 

har bhikārī pā nahīñ saktā maqām-e-ḳhvājgī

har kas-o-nā-kas ko terā ġham atā hotā nahīñ 

 

haa.e ye begānagī apnī nahīñ mujh ko ḳhabar

haa.e ye aalam ki tū dil se judā hotā nahīñ 

 

bārhā dekhā hai 'sāġhar' rahguzār ishq meñ

kārvāñ ke saath aksar rahnumā hotā nahīñ 

 

.