Mati

نہ پوچھو ذات ۔۔۔۔۔۔  سب مٹی

 

پہچان

آدم کو مٹی سے بنایا ہے

 تو ہر آدمی مٹی سے بنا ہے
 اور ہم مٹی کو مٹی میں دفن کر دیتے ہیں۔
ایک حسین مورتی جس کے

 حسن پر سبھی لوگ جان دیتے ہیں 
اور والہ وشیدا بنے رہتے ہیں۔۔۔۔

 اصل میں مٹی کے ذرات سے مرکب ہے۔
محبت کی شراب پینے والے

 جس پیالے میں شراب پیتے ہیں۔۔۔۔۔
 وہ پیالہ اس مٹی سے بنتا ہے۔

قدرت کی کرشمہ سازی بھی کیا خوب ہے کہ۔۔۔۔
 ایک ہی مٹی سے مختلف شکلیں بناتی رہتی ہے۔
 اور پھر اس مٹی میں ملا کر مٹا دیتی ہے 
اور پھر بنا دیتی ہے۔

 
تخلیق کے اس عمل میں واضع نشانیاں ہیں ۔۔۔۔۔
جو فی الواقع خالق کائنات کو جاننا

 اور پہچاننا چاہتے ہیں۔

آدم کی افتاد طبع بھی عجیب ہے کہ۔۔۔۔۔
 اس نے چمک دمک رکھنے والی ۔۔۔۔
شراب نہروں کی جنت میں ویران چھوڑا  
 قسم قسم کے پھولوں
اور
 باغوں میں پرندوں کی چہکار کو بھی خیر باد کہہ دیا۔
 آدم کسی ایک بات یا ایک چیز پر قانع نہیں رہتا۔
 اس کا جنت میں رہتے رہتے جب جی گھبرانے لگا 
تو اسے چھوڑ کر زمین پر آ گیا۔ 
اس کے مزاج میں ہر آن اور ہر لمحہ تغیر اور تبدل ہے۔۔۔

نہ پوچھو ذات۔۔۔۔۔۔۔۔۔۔۔۔۔۔۔۔۔ سب مٹی
میری اوقات۔۔۔۔۔۔۔۔۔۔۔۔۔۔۔۔۔۔ سب مٹی

۔