Aandhi Chai To Naqash e kaf e pa nahi mila

.

.

آندھی چلی تو نقش کف پا نہیں ملا

دل جس سے مل گیا وہ دوبارا نہیں ملا 

 

ہم انجمن میں سب کی طرف دیکھتے رہے

اپنی طرح سے کوئی اکیلا نہیں ملا 

 

آواز کو تو کون سمجھتا کہ دور دور

خاموشیوں کا درد شناسا نہیں ملا 

 

قدموں کو شوق آبلہ پائی تو مل گیا

لیکن بہ ظرف وسعت صحرا نہیں ملا 

 

کنعاں میں بھی نصیب ہوئی خود دریدگی

چاک قبا کو دست زلیخا نہیں ملا 

 

مہر و وفا کے دشت نوردو جواب دو

تم کو بھی وہ غزال ملا یا نہیں ملا 

 

کچے گھڑے نے جیت لی ندی چڑھی ہوئی

مضبوط کشتیوں کو کنارا نہیں ملا 

 

 

Aandhi chali to naqsh-e-kaf-e-paa nahin mila

Dil jis se mil gaya, woh dubaaraa nahiN mila

Hum anjuman meiN  sab ki taraf dekhte rahe!

Apnii tarah se koii akelaa nahiN mila

Mehr-o-wafaa ke dasht nawardo, jawaab do

Tum ko bhi woh ghazaal mila ya nahiN mila

Aawaaz ko to kaun samajhta K door door

khaamoshiyoN ka dard shanaasa nahiN mila

Kachche ghaRe ne jeet li naddi chadhi hui

Mazboot kashtiyoN ko kinaara nahiN mila

(Mustafa Zaidi)