Woh Jis Ka Zikar Bohat Apni Shairi Main Hai

.

وہ جس کا ذکر بہت اپنی شاعری میں ہے

اک اور شخص بھی اب اس کی زندگی میں ہے

وہ ربط رکھے گا مجھ سے بڑے خلوص کے ساتھ

مگر وہ ربط جو گردن میں اور چُھری میں ہے

بڑے خلوص سے دیتا ہے وہ فریب مجھے

میں سب سمجھتا ہوں پر لطف تو اسی میں ہے

نشانہ باندھ کے مارا مجھے اندھیرے سے

وہ جانتا تھا کہ یہ شخص روشنی میں ہے

وہ نازکی جو کسی کے لبوں سے ہے مخصوص

جنابِ میؔر کہاں گل کی پنکھڑی میں ہے

ہزار جلوہ نمائی ہو راہ میں خاؔلد

مگر وہ لطف کہاں ہے جو سادگی میں ہے

(خاؔلد شریف)

.